شوفوا المشرفين بيعملو ايه ماتخافش منهم وقول كل اللى فنفسك

[ندعوك للتسجيل في المنتدى أو التعريف بنفسك لمعاينة هذه الصورة]

عزيزى العضو عزيزتى العضوة :


اوعى تفهمو ان المشرفين دول ملايكة .... ابدا

ولا وحوش ..... ابدا ( ماتخافش منهم وقول كل اللى فنفسك )

واللى نفسه فحاجة يقولها وانا هبدأ :


1- خطيبة مشرف كل لما تتصل بيه تطلعلها رساله مسجله السرفرمشغول حاليا_حاول في وقت اخر


2- مشرف شغال في المروركل مايشوف عربيه مخالفه يديها تقييم سالب


3- مشرف كتب كتابه في موضوع وعمل الفرح في منتدى التهاني والمناسبات ووزع على المعازيم تقييمات موجبه


4- مشرف متخانق مع مراته عملها حظر


5- مشرف خلف توام احتفظ بواحد وحط التاني في قاعه المكرر


6- مشرف جتله فاتوره التليفون كبيره عملها تعديل


7- زوجة مشرف نسيت تحط ملح في الاكل مسكها المتواجدين الان


8- مشرف بيتغزل في خطبته بيقلها انتي موضوع عمري ........انتي مشاركه حياتي ......انتي كل صلاحياتي


9- مشرف عاوز يخطب عضوه يبقلها ممكن اسجل عندكم في البيت بس ياريت والدك ميتاخرش عليا في رساله التفعيل


10- مشرف عنده حاله نفسيه كل مابكتب موضوع يحذفه

11- مشرف عاوز يعرف حببته بتحبه ولا لادخل على المنتدى و بدا يخذف في المواضيع واحد ورى التاني (بتحبني

_مبتحبنيش_بتحبني_مبتحبنيش)


12- مشرف عام موظف في مصلحه حكوميه شرط على كل عضو يكتب مشاركه يحط عليها ورقه دمغه


13- مشرف دخل منتدى المناقشه طلع بخمس غرز وارتجاج في المخ


14-مشرف دخل منتدى القضايا السياسيه قبضو عليه في مظاهره


15- مشرف عاوز يطرد عضو مميزمن المنتدى حط في واحد من مواضيعه حتتين حشيش وبلغ عنه


16ـ مشرف مراته بعتت له موضوع بعنوان " البصل " وكتبت له : متنساش تجيب بصل معاك وانت جاى ،، رد عليها وقال لها : حاضر

،، بعد شوية بعتت تقول له : البصل خلص من عندنا ،، رد عليها وقال لها : حاضر ،، شويتين بعتت له تقول له : من غير بصل مش

هعرف اطبخ ،، آخر ما زهق قام وضع موضوعها فى خانة المواضيع المثبتة

17-مشرف نفسه مراته تخلف ولد ،، اول مرة خلفت بنت فسماها عديلة ،، تانى

مرة خلفت بنت فسماها اعتدال ،، تالت مرة

خلفت بنت برضو فمسماها " تعديييييييييييييييييل "


18ــ مشرف راجع البيت سكران فمراته قالت له : ايه دا هو انت شارب ؟؟؟ قال لها لأ انا لحية


ندخل بقى على المشرفات


1ــ مشرفة عشان تبقى محامية ،، قعدت تحفظ فى قوانين المنتدى


2 ــ مشرفة قابلت مشرفة صاحبتها فقعدت تقول لها : خطيبى دا وسيم بشكل ،، خطيبى دا محترم جدا ،، خطيبى دا كل البنات

بيحسدونى عليه ،، خطيبى 000 الخ ، تانى يوم قابلتها وقعدت برضو تشكر وتمدح فى خطيبها قدامها ،، ثالث يوم اكتشفت ان

صاحبتها المشرفة اقتبست منها خطيبها واتجوزتو



3 ــ مشرفة جوزها ضربها وفتح لها راسها راحت عملت له بلاغ فى قسم الاقتراحات والشكاوى


4 ــ مشرفة حبت تضايف حماتها فدخلتها على قسم فنجان قهوة وقالت لها : اتفضلى اشربى


5 ــ مشرفة جوزها طلقها ونفسها ترجع له تانى فبعتت تقول له : ممكن " اضافة رد " ؟؟؟


6 ــ مشرفة راجعة من شغلها جعانة جدا فاخدت رغيف عيش ودخلت قسم المطبخ وقعدت تغمس بالمواضيع

كفاية كده على المشرفات


واخيرا و دى من عندى مشرفة حذفت الموضوع ده اختفت في ظروف غامضه

مع تحياتى لكل المشرفات حبيباتي والله

ياااااااااااااااارب ينال اعجبكم

منقول