لتلفون يرن
الطفلة : الوووو
الامراة : الووو مرحبا
...
الطفلة : اهلين..
الامراة : وين الوالدة ؟
الطفلة : ما في عنا وحدة والدة..
الامراة : له له عيب عليك... لا سمح الله الله يخليلكم اياها..
الطفلة : شو لا سمح الله ما لا سمح الله.... بقوليك ما في عنا والدة....
الامراة : اه ... قديش عمرك يا شاطرة؟؟
الطفلة : وشو عرفك اني شاطرة...
الامراة : تضحك وتقول .. مبين عليك خفيفة دم..
الطفلة : انت الي خفيفة دم... اوعي تقولي عني هيك...
الامراة : مبين عليك زغيرة؟
الطفلة : انا اطول منك......
الامراة : طيب يلا اعطيني ماما...
الطفلة : ليش هي امك عنا؟؟
الامراة : خلص نادي امك.
الطفلة : ما في عند امي نادي..
الامراة : الله يصبرني...
الطفلة : يصبرك مع شوك ولا بدون شوك؟
...
الامراة : تصرخ " اعطيني حدا كبيرررر"
الطفلة : كبير , بالحجم ولا بالطول ولا بالعمر..
الامراة : اعطيني واحد برميل احكي معووو..
الطفلة : استغفر الله العظيم بدك تحكي مع برميل.. بس البرميل جماد..
الامراة : هلئ بجي عندك.. اعطيني حدا كبير...
الطفلة : ما تجي عندي لانو عندي صاحباتي بلكي لما يروحو بتجي بكون احسن...
الامراة : طيب بس لو اشوفك لاعمل منك بطاطا..
الطفلة : بطاطا مسلوقة ولا مقلية ؟؟؟
الامراة : احسنلك اسكتي لانك زعلتيني..
الطفل : مين الي زعل تيني وليش التين اصلا بيزعل؟
الامراة : بكفي زودتيها عاد ..
الطفل : وين عاد الى بيته ؟
الامراة : اه الى بيته .. مبسوطة..
الطفلة : الصراحة مش مبسوطة .. في شي مزعلني..
الامراة : خليه يزعلك بلكي بتفقعي متل البالون..
الطفلة : شو لون البالون الي بلكي بفقع متلو؟؟
الامراة : تصرخ باعلى صوتها.. " وين الوالــــــدة ؟؟؟ "..
...
فتاخذ الام التلفون من الطفلة ..
وتقول الووووو.. مين معي..
الامراة : ولي علينا .. شو هالبنت هاي طلعتلي قرن براسي..
الام : قرن شو, قرن الغزال ولا قرن موز..
الامراة : دايما رايقة وبتحبي تمزحي .. لا طلعتلي قرن ثور ...
الام : شو حجمه الثور؟
الامراة تغلق السماعة.. وتذهب الى بيت صديقتها.. ترن الجرس...
فتقول الام للطفلة : روحي شوفي مين على الباب...
تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول مافي حدا على الباب في وحدة وراه..
فتقول الام : خلص خليها ترن على الجرس قد ما بدها..
الطفلة : اي جرس؟ جرس المدرسة؟؟؟
الام : لا جرس البيت..
الطفلة : جرس بيتنا هاد ولا البيت الجديد اللي عم نبنيه..
الام : لا جرس بيت الجيران..
الطفلة : ليش في عند الجيران جرس وحوّل واركب على الفرس.
السبت يونيو 02, 2012 3:00 am
